သတင်းမီဒီယာများ၏ ဖော်ပြချက်အရ တရုတ်နိုင်ငံသည် တိုင်ဝမ်ကျွန်းကို ကျူးကျော်ရန်အတွက် အသုံးပြုနိုင်သည့် “ D-Day style” ကြီးမားသော တင်ပို့သင်္ဘောများကို တည်ဆောက်နေကြောင်း သိရှိရသည်။
တောင်ပိုင်းတရုတ်နိုင်ငံရှိ Guangzhou Shipyard တွင် ယင်းသင်္ဘောအသစ် အနည်းဆုံး သုံးစီးကို Naval News က တွေ့ရှိခဲ့ကြောင်း သိရသည်။
The Telegraph ၏ ဖော်ပြချက်အရ ယင်းတင်ပို့သင်္ဘောများသည် ဒုတိယကမ္ဘာစစ်ကာလက ပြင်သစ်နိုင်ငံ Normandy တွင် Allied တပ်များ၏ စစ်ရေး စစ်ဆင်ရေးအတွက် တည်ဆောက်ခဲ့သော သယ်ယူပို့ဆောင်ရေး ဆိပ်ကမ်းများဖြစ်သည့် “ Mulberry harbours” ကို vzp inspiration ယူထားခြင်း ဖြစ်သည်။
အိန္ဒိယ-ပစိဖိတ်ဒေသတွင် အမေရိကန်၏ အဓိက ပူးပေါင်းဖက် တိုင်ဝမ်နိုင်ငံ၏ လွတ်လပ်ရေးကို တရုတ်က လက်မခံသည့်အတွက် တင်းမာမှုများ ဆက်လက်ရှိနေသည်။
ပြီးခဲ့သည့် အပတ်က Naval News ၏ သတင်းဖော်ပြချက်အရ တရုတ်နိုင်ငံ Guangzhou Shipyard တွင် အနည်းဆုံး သုံးစီး၊ ဖြစ်နိုင်လျှင် ငါးစီး သို့မဟုတ် ထိုထက်ပိုသော တင်ပို့သင်္ဘောများကို တွေ့ရှိခဲ့ကြောင်း ဖော်ပြထားသည်။ ယင်းတင်ပို့သင်္ဘောများသည် ပေ ၃၉၀ ကျော် ရှည်လျားပြီး ကမ်းခြေလမ်း သို့မဟုတ် ကမ်းခြေထက် ခိုင်မာသော မြေပြင်သို့ ရောက်ရှိရန် အသုံးပြုနိုင်ကြောင်း သတင်းက ဆိုသည်။
တရုတ်နိုင်ငံ၏ နိုင်ငံတော် သတင်းဌာန CCTV တွင် တရုတ် နိုင်ငံ့ခေါင်းဆောင်က သူ၏ နှစ်သစ်ကူး သတင်းစကားတွင် တိုင်ဝမ်နှင့် “ ပြန်လည် ပေါင်းစည်းရေး” သည် မလွဲမသွေ ဖြစ်လာမည်ဟု ပြောကြားခဲ့သည်။
“ တိုင်ဝမ် ကျွန်းနှစ်ဖက်ရှိ ပြည်သူများသည် တစ်မိသားစုတည်း ဖြစ်သည်။ ဘယ်သူမှ ကျွန်တော်တို့ မိသားစု ဆက်ဆံရေးကို ဖြတ်တောက်၍ မရပါ။ နိုင်ငံ ပြန်လည် ပေါင်းစည်းရေး သမိုင်း လမ်းကြောင်းကိုလည်း ဘယ်သူမှ တားဆီး၍ မရပါ” ဟု သူက ပြောကြားခဲ့သည်။
တင်ပို့သင်္ဘောများကို အသုံးပြုခြင်းဖြင့် တရုတ်တပ်များသည် ယခင်က မသင့်တော်ဟု ယူဆခဲ့သည့် ဒေသများ၊ ကျောက်တုံးများ သို့မဟုတ် သဲစမ်းများနှင့် ကမ်းခြေများတွင် ဆင်းသက်နိုင်ပြီး ကြီးမားသော စက်ကိရိယာများကို ခိုင်မာသော မြေပြင် သို့မဟုတ် ကမ်းခြေလမ်းသို့ ပို့ဆောင်နိုင်ကြောင်း သတင်းက ဆိုသည်။
Council on Geostrategy တွင် ပင်လယ် စွမ်းအား သုတေသီ Emma Salisbury က Naval News သို့ ပြောကြားရာတွင် “ မြေပြင်မှ တိုင်ဝမ်ကို ကျူးကျော်ရန် လူ နှင့် ပစ္စည်းများကို ကျဉ်းမြောင်းသော ပင်လယ်ပြင် ဖြတ်ကျော်ရန် သင်္ဘော အမြောက်အများ လိုအပ်မည်ဖြစ်ပြီး တိုက်ပွဲဝင်ယာဉ်များကဲ့သို့သော မြေပြင် စစ်အင်အားများ လိုအပ်မည်ဖြစ်သည်။ ကျူးကျော်ရန် ပြင်ဆင်မှု သို့မဟုတ် အနည်းဆုံး တရုတ်နိုင်ငံအတွက် ဖိအားပေးရန် ရွေးချယ်ခွင့် ပေးရန်အတွက် ဤသယ်ယူပို့ဆောင်ရေး လုပ်ငန်းကို လုပ်ဆောင်နိုင်သည့် သင်္ဘောများ တည်ဆောက်မှု တိုးမြှင့်လာမည်ဟု ကျွန်မ မျှော်လင့်ပါသည်” ဟု ပြောကြားခဲ့သည်။
Digital သည် Department of Defense, တရုတ်သံရုံး (Washington D.C.) နှင့် Taipei Economic and Cultural Representative Office (Washington D.C.) တို့ထံ ဆက်သွယ်မေးမြန်းခဲ့သည်။