ဗာတီကန်သတင်းရင်းမြစ်များ၏အဆိုအရ ပုပ်ရဟန်းမင်းကြီး ဖရန်စစ်သည် ယမန်နေ့က အသက်ရှူကြပ်ခြင်းနှစ်ကြိမ်ဖြစ်ပွားပြီးနောက် အင်္ဂါနေ့တွင် စက်အကူအသက်ရှူစက်ကို ဖြုတ်ထားနိုင်ပြီဖြစ်ပြီး အခြေအနေ တည်ငြိမ်လာပြီဖြစ်သည်။
အသက် ၈၈ နှစ်အရွယ် ပုပ်ရဟန်းမင်းကြီး၏ အခြေအနေမှာ ယေဘုယျအားဖြင့် “ စိုးရိမ်ရ” အနေအထားတွင်ရှိနေပြီး အန္တရာယ်မှ လွတ်မြောက်သေးခြင်းမရှိကြောင်း သတင်းရင်းမြစ်များက ဆက်လက်ပြောကြားသည်။
ပုပ်ရဟန်းမင်းကြီးသည် ဖေဖော်ဝါရီ ၁၄ ရက်နေ့တွင် သို့ တင်ပို့ခဲ့သည်။ ဆရာဝန်များက ရှုပ်ထွေးသော ဗိုင်းရပ်စ်၊ ဘက်တီးရီးယားနှင့် မှိုကြောင့်ဖြစ်သော အသက်ရှူလမ်းကြောင်းဆိုင်ရာရောဂါပိုးဝင်ခြင်းဖြစ်ပြီး နောက်ပိုင်းတွင် အဆုတ်နှစ်ဖက်စလုံး၌ နမိုးနီးယားရောဂါ စတင်ဖြစ်ပွားကြောင်း စစ်ဆေးတွေ့ရှိခဲ့သည်။
ပုပ်ရဟန်းမင်းကြီး ဖရန်စစ်သည် တနင်္လာနေ့တွင် အသက်ရှူလမ်းကြောင်းဆိုင်ရာ ပြင်းထန်သော အကျပ်အတည်းနှစ်ခုကို ခံစားခဲ့ရပြီး ယင်းသည် ရှုပ်ထွေးသောဆေးဘက်ဆိုင်ရာအခြေအနေတစ်ခုဖြစ်ကာ သောကြာနေ့ကဖြစ်ပွားခဲ့သော bronchospasm ထက် အန္တရာယ်နည်းပါးကြောင်း က ဆိုသည်။ ယင်းဖြစ်ရပ်များကြောင့် ဖရန်စစ်သည် “ non-invasive mechanical ventilation” ကို ပြန်လည်အသုံးပြုခဲ့ရသည်။
အင်္ဂါနေ့နံနက်ပိုင်းတွင် ပုပ်ရဟန်းမင်းကြီးသည် အောက်ဆီဂျင်ပမာဏမြင့်မားစွာပေးသော နှာခေါင်းပိုက်ကို ပြန်လည်တပ်ဆင်ထားပြီး ယခုအခါ သတိကောင်းလျက် အသက်ရှူလေ့ကျင့်ခန်းများကို ဆက်လက်ပြုလုပ်နေကြောင်း သတင်းရင်းမြစ်များ၏အဆိုအရ သိရသည်။
၎င်းတို့က ဖရန်စစ်တွင် Do Not Resuscitate order ရှိမရှိကို “ စောလျင်သေးသည်ဟုထင်” ကြောင်းလည်း ပြောကြားခဲ့သည်။
ပုပ်ရဟန်းမင်းကြီး ဖရန်စစ်က တနင်္ဂနွေနေ့တွင် သူ၏ X account ၌ တင်ထားသော မက်ဆေ့ချ်တစ်ခုတွင် “ ကမ္ဘာအနှံ့အပြားမှ သစ္စာရှိသူအများအပြား၏ နှလုံးသားများမှ ထာဝရဘုရားထံ ရောက်ရှိသွားသော သင်တို့၏ ဆုတောင်းများအတွက် ကျေးဇူးတင်လိုပါသည်။
သင်တို့အားလုံး၏ ချစ်ခြင်းမေတ္တာနှင့် နီးကပ်မှုကို ကျွန်ုပ်ခံစားမိပြီး ဤအချိန်ကာလတွင် ဘုရားသခင်၏လူအပေါင်းတို့က ကျွန်ုပ်ကို ‘သယ်ဆောင်’ ထားပြီး အားပေးကူညီနေသည်ဟု ခံစားရပါသည်” ဟု သူကထပ်လောင်းပြောကြားခဲ့သည်။
’ Melissa Chrise, Courtney Walsh နှင့် Landon Mion တို့သည် ဤအစီရင်ခံစာအတွက် ပံ့ပိုးကူညီခဲ့ကြသည်။