ဗာတီကန်က တနင်္ဂနွေနေ့မှာ ပုပ်ရဟန်းမင်းကြီး ဖရန်စစ်ဟာ အသက် ၈၈ နှစ်ရှိပြီဖြစ်ပြီး အသက်ရှူလမ်းကြောင်းဆိုင်ရာ အကျပ်အတည်းနဲ့ သွေးသွင်းပြီးနောက် ရောမမြို့ရဲ့ Gemelli Hospital မှာ ကိုးညမြောက် ငြိမ်းချမ်းစွာ အနားယူခဲ့တယ်လို့ ပြောကြားခဲ့ပါတယ်။
သူငယ်စဉ်က အဆုတ်တစ်ဖက်ကို ဖယ်ရှားခဲ့ဖူးတဲ့ ဖရန်စစ်ဟာ အရေးပေါ်အခြေအနေမှာ ရှိနေတယ်လို့ ဆရာဝန်တွေက ပြောကြားပြီးနောက် ဒီသတင်းထွက်ပေါ်လာတာပါ။
သူ နိုးနေပြီး မနက်စာစားနေသလားဆိုတာ မရှင်းလင်းပါဘူး။
ပုပ်ရဟန်းမင်းကြီးဟာ အဆုတ်နှစ်လုံးရောင်နဲ့ ရှုပ်ထွေးတဲ့ အဆုတ်ရောဂါအတွက် ကုသမှုခံယူနေစဉ် စနေနေ့မှာ ကြာရှည်စွာ ပန်းနာရင်ကျပ်ရောဂါနဲ့ အသက်ရှူလမ်းကြောင်းဆိုင်ရာ အကျပ်အတည်းကို ခံစားခဲ့ရပါတယ်။
ဗာတီကန်ရဲ့ အဆိုအရ အသက်ရှူဖို့အတွက် အောက်ဆီဂျင် “ high flows” ကို ရရှိခဲ့ပြီး သွေးခဲဖို့ လိုအပ်တဲ့ platelets အရေအတွက် နည်းပါးနေတာကို စမ်းသပ်တွေ့ရှိပြီးနောက် သွေးသွင်းခဲ့ပါတယ်။
ဗာတီကန်က ဖရန်စစ်ဟာ “ သတိရှိနေဆဲဖြစ်ပြီး မနေ့ကထက် ပိုနာကျင်ပေမယ့် ကုလားထိုင်မှာ တစ်နေ့တာကုန်ဆုံးခဲ့တယ်” လို့ ပြောပါတယ်။
ဆရာဝန်တွေက ဖရန်စစ်ရဲ့ ရောဂါအခြေအနေကို “ စောင့်ကြည့်ရဦးမယ်” လို့ ပြောပါတယ်။ ဆရာဝန်တွေက သူ့ရဲ့ အသက်အရွယ်ကြီးရင့်မှု၊ ခန္ဓာကိုယ်အားနည်းမှုနဲ့ ရှိရင်းစွဲ အဆုတ်ရောဂါတွေကြောင့် သူ့ရဲ့ အခြေအနေဟာ မရေရာသေးဘူးလို့ ပြောပါတယ်။
အဓိက ခြိမ်းခြောက်မှုကတော့ ရောဂါပိုးဟာ သွေးကြောထဲကို ရောက်သွားရင် sepsis လို့ခေါ်တဲ့ ပြင်းထန်တဲ့ အခြေအနေ ဖြစ်လာနိုင်တယ်လို့ ဆရာဝန်တွေက ပြောပါတယ်။