ယွန်းဟပ်သတင်းဌာန၏ ဖော်ပြချက်အရ တောင်ကိုရီးယားတွင် လေယာဉ်တစ်စင်း လေဆိပ်လမ်းကြောင်းမှ လွဲချော်ကာ တံတိုင်းနှင့် တိုက်မိခဲ့ရာ ခရီးသည်အနည်းဆုံး ၂၃ ဦး သေဆုံးခဲ့ကြောင်း သိရသည်။
အဆိုပါ ကြီးမားသော လေယာဉ်ပျက်ကျမှုမှာ လေယာဉ်ဆင်းသက်စနစ် ချို့ယွင်းမှုကြောင့် ဖြစ်ကြောင်း သတင်းဌာနက ဖော်ပြသည်။
တောင်ကိုရီးယားရှိ လေကုန်သေး လေကြောင်းလိုင်းဖြစ်သော Jeju Air လေကြောင်းလိုင်းမှ Boeing 737-800 လေယာဉ်သည် ခရီးသည် ၁၇၅ ဦးနှင့် လေယာဉ်အမှုထမ်း ၆ ဦး တင်ဆောင်လာစဉ် တောင်ဂျော်လားပြည်နယ်၊ မွန်းမြို့နယ်ရှိ လေဆိပ်တွင် ဒေသစံတော်ချိန် တနင်္ဂနွေနံနက်ပိုင်းက ယင်းဖြစ်ရပ် ဖြစ်ပွားခဲ့ခြင်း ဖြစ်သည်။
လေယာဉ်သည် ဒေသစံတော်ချိန် နံနက် ၉ နာရီ ၇ မိနစ်တွင် လေဆိပ်သို့ ဆင်းသက်စဉ် ယင်းဖြစ်ရပ် ဖြစ်ပွားခဲ့ခြင်း ဖြစ်သည်။
ယင်းလေယာဉ်သည် ထိုင်းနိုင်ငံမှ တောင်ကိုရီးယားသို့ ပြန်လည် ပျံသန်းလာခြင်း ဖြစ်ကြောင်း သတင်းက ဆိုသည်။
ဒေသတွင်း သတင်းမီဒီယာများမှ တင်ပြသော ဓာတ်ပုံများအရ လေယာဉ်မှ မီးခိုးများ ထွက်ပေါ်နေသည်ကို တွေ့ရသည်။